Hadih Maja - B

1. Babah keu meng-mong, nyawong keu beulanja
2. Babah brok
3. Babah tarek
4. Bajee baro bek dilee neubloe, neusok nyang ka na bah le bak brok-brok
5. Bagah jaroe
6. Bagah tajak trep troh
7. Bagah taplueng, meusingklet gaki
8. Bak adat ka jikab, bak hukom ka jikulom
9. Bak badan hana siurat beuneung
10. Bak beuringen han meuganeng, na tom beurunjing mubeurahla?
11. Bak bue bek tajok bungong, bak inong bek tapeugah rahsia
12. Bak bue bek tajok bungong, bak ureueng tuneng tajok minyeuek
13. Bak jak bak peulangan, watee troh taboh nan
14. Bak gob mupake bek gata pawang, bak gob muprang bek gata panglima
15. Bak ie laot peue taboh sira
16. Bak ie linteng bek taboh ampeh, bak ie pareh bek tatheun ampeh, bek tameurakan deungon sipaleh, areutateu abeh geutanyoe malee
17. Bak ie raya bek taboh ampeh, bak ie tireh bek tatheuen bubee, bek tameurakan deungon sipaleh, hareuta habeh geutanyoe malee
18. Bak ie saboh bruek kreueng, bak udeueng ka laot raya
19. Bak itek taboh tajoe
20. Bak kayee matee bek taboh beunteueng, bak aneuk bajeueng bek tapula guna
21. Bak liwang-liwieng, bak pucok trieng empung beuragoe, lahe teupat baten kiwieng, ban pucok trieng bungkok keudroe
22. Bak mie tajok tikoh, bak musoh tatroh rahsia
23. Bak musoh bek talakee bantu, bak madu bek talakee ubat
24. Bak nabsu pakriji bek, adak awek pi jikrik
25. Bak nyang gatai, sinan tagari
26. Bak ok sion peue taboh minyeuk, bak gigoe sianeuek peue taboh baja
27. Bak panggang geuboh kuah
28. Bak peng gadoh janggot, bak brot gadoh malem
29. Bak peugah haba, bu ie meuasab
30. Bak si buta tajyue beuet kitab, bak si bangsat tayue meudu'a
31. Bak sigeusuen, kuen pi meujak-meujak
32. Bak sikaya baro, han mee meuutang
33. Bak sikuroh hana rupa, bak simeuklai hana bahsa
34. Bak siploh tajok saboh, hana gadoh kira-kira
35. Bak sisulet bek tajok gunci, bak pancuri bek tajok atra
36. Bak sisulet uteuen pi luah, bak simalah raya that dakwa
37. Bak sirumpet taboh subang, bak sirumpang taboh baja
38. Bak siceumeuceb talakee lhok
39. Bak taduek mupayeh, bak taeh mupaya
40. Bak tapajoh bu, sinan tatoh ek
41. Bak tamumat ka patah, bak tameugantung ka putoh
42. Bak cangguek pane gadeng, bak kareng pane gapah
43. Bak cangguek talakee bulee, bak asee talakee lungke
44. Bak cangguek talakee gadeng, bak leubeng talakee gapah
45. Bak takalon hana meuhat. bak dali adat geutunggai donya
46. Bak tulo bek talakee seukeuem
47. Bak ureueng 'areh jeu-oh that geupham, bak ureueng paneuk bicara
48. Bala tasaba nekmat tasyuko, disinan nyang le ureueng bahgia
49. Ban geupate, meunan tabalot
50. Ban laku geupeh geundrang, meunan tanari
51. Ban laku crah, meunan beukah
52. Ban lingkok krueng, meunan ile ie
53. Banja ube jiplueng, bulueng ube jiteuka
54. Ban meuturi sisisi pisang, 'oh rakan sikrak ija plang
55. Ban meusulet, tapeugah pruet
56. Ban u meunan minyeuk, ban ku meunan aneuek
57. Bangke gajah, bek tatob ngon on birah
58. Bangsat Padang, Beudawi Atjeh
59. Beranggadum meuhai meuh, ek cit tabloe. Meunyo peue budhoe han ek hareuga.
60. Baranggadum raya ie krueng, nyang geubileueng ie kuala. Baranggadum buet rakyat, nyang geubileueng buer raja.
61. Baranggapeue buet tameuguree, bek tatiree han sampereuna
62. Baranggapeue buet tapike dilee, 'oh ka malee keupeue lom guna
63. Batee dimeuyub batee diateueh, anco boh seulimeng diteungoh-teungoh
64. Bee, lagee bee dondang meuaneuk
65. Bee, lagee bee kameng randok
66. Bee, lagee musang tuha
67. Bek kakab bakong hai lintah, kon dum rumah kah pajoh tuba
68. Bek kamarit meukah-kah, timoh iku jeuet keu gajah
69. Bek kamariy meukah-kee, timoh iku jeuet keu asee
70. Bek lagee boh trueng lam jeu-ee
71. Bek lagee boh trueng lam jeu-ee, ho nyang sihet keunan meuron
72. Bek leupah haba, bah leupah buet
73. Bek mubalot-balot susoh
74. Bek 'oh taboh bungkoh beuneung, meuteumeung bungkoh ija
75. Bek 'oh geucu tajam, 'oh geureupang tampheuek
76. Bek peujueut droe umpama cangguek, taduek diyub bruek dalam blang raya
77. Bek rayek tatak, abeh ubit leukang lha
78. Bek tabeureukah aneuk panah
79. Bek taboh-boh rakan teu dilee, nyampang talakee ranub sigapu
80. Bek taboh-boh ija brok, nyampang-nyampang jeuet tateumampai
81. Bek tajak bagah-bagah, treb troh
82. Bek tajak-jak alue tan pucok, bek tasok-sok luweue tan suja
83. Bek tadeungo haba crot-brot, geutanyoe got-got jeuet binasa
84. Bek tajuruet buloh beukah, teusie jaroe teubiet darah
85. Bek taharab keu ie deue
86. Bek taharab keu teuga gob
87. Bek taingat keu langet manyang
88. Bek takiran keu pliek busik, 'oh troh ulhok takira laba
89. Bek takira srah ek gob, ek droeteu goh lom gleh
90. Bek talhob ie deungon kulet
91. Bek tamarit ngon ureueng tuloe, bek tapubloe keu ureueng buta
92. Bek tameu-adee dikeue manok
93. Bek tameusah ngon ureueng tuloe, bek tamubloe bak ureueng buta
94. Bek tameu-en bak bineh mon
95. Bek tameu-en bak reuleueng reuloh
96. Bek tameuseunoh jirat baro, sinan nyang le ureueng binasa
97. Bek tameutaroh bak leumo bakong, bek tameusabong bak manok buta
98. Bek tamuwayang ngon buya cabak, geutanyoe rusak hana pat bila
99. Bek tameusom lam peunucot, bek temeulimot ngon jeue
100. Bek tapeukaru manok coh pade, lam suntok sabe kayem biasa
101. Bek tapeugah jirat teumon
102. Bek tapeukeu-eueng boh campli cina
103. Bek tamuwot lam bruek reuhang, bek tameuglueng bak tanoh gle
104. Bek tapeukeutuk kon guda ladang, bek taboh kang kon guda kaha
105. Bek tapeurunoe tupe meulumpat
106. Bek tapeurunoe bue meuayon
107. Bek tapeurunoe rimueng pajoh sie
108. Bek tapeusabe kai dengon are
109. Bek tapeusaluk bak ie ile
110. Bek tapeusak geupet uguha
111. Bek tapeutunjok nabsu dikeue makanan
112. Bek tapula kayee diyub kayee panyang
113. Bek tasambat judi patah
114. Bek taseuet laot deungon paleuet jaroe
115. Bek tatambak batee ugle
116. Bek tatak tanda bak kayee udep
117. Bek tatak ateueng pade ka masak
118. Bek tatak tanda bak bineh jalo
119. Bek tathok-thok geumeuto tanoh, simalam beungoh han gadoh bisa
120. Bek tatiek duroe bak ret neh raya, han teutob bak tajak teutob bak tawoe, peunyaket tabloe utang tapeuna
121. Bek tatiek cak bak babah bubee gob
122. Bek tatimplak manyet lam bleuet
123. Bek tacah beurunyong, leumah ek asee
124. Bek tacui ceumuet ngon alee
125. Bek tacot langet ngon puteng sadeueb, laot taseuet ngon paleuet jaroe
126. Bek tatoh ek lam kanet bu
127. Bek tatoh ek ateueh tumpok gob
128. Beuet ureueng malem, hareukat ureueng kaya
129. Beuhe rimueng didalam uteuen, beuhe buya didalam krueng
130. Beuingat-ingat tapeulahra bayeuen, 'oh kureueng eumpeuen jiwoe lam rimba
131. Beukah eumpang, ro eumpieng
132. Beukah jitangkob, beusot jitampai
133. Beukah neuleuek, bayeue beulangong
134. Beungeh lagee bubeue hu
135. Beungeh keu seulungkee beulangong taproh, beungeh keu meulintee aneuk tapoh
136. Beuni bek leumah kulet, peunyaket bek leumah nyata, ka saket bah didalam, bek hiram bak ie muka
137. Beusoe seureuloe meulila ek guda, ureueng peh tuloe ureueng bloe buta
138. Beutah beuteng, malah gigang
139. Biek ate batee aleh kayee, hana akai hana malee
140. Biek koh seureuban Nabi
141. Biek pajoh ngeu aron
142. Biek suyok ulee baho
143. Biek teubai muka
144. Bil baya wa bil bayeuek, nibak akai bangi get akai badeuek
145. Bileh mate lam geuneugom, kamoe han tom kalon banda
146. Bit pi phui bak takalon, geuhon bak tatijik
147. Bit ka reudok goh lom geulanteue, bit pi le peue goh lom geureuda
148. Bit pi takalon mise meukuwet, umu lon goh treb aneuek goh lom na
149. Ble ban kilat, brat ban batee
150. Boh ara-iri, ie paseueng surot, taduek di nanggroe gob, baranggakri pi taturot
151. Boh keumukoh tabloe ngon meuh, boh aneuk tabloe ngon pade, tajak beutroh ta-eu beudeueh, bek rugoe meuh saket hate
152. Boh kundo dalam tabak, takuak leumah ate. Taundo seun sitapak, tatulak bek leumah ri
153. Boh labu bak barieh
154. Boh limeng leumiek asam eungkot brok, ureueng ka datok pane lom gura
155. Boh manok nyang mirah, sie nyang meugapah. Inong nyang ceudah, seekeu ek kalon mantong
156. Boh manok saboh, baranggapat kon beukah cit
157. Boh manok saboh baranggajan beukah. Bumoe peuet hah baranggapat pi sa
158. Boh manok saboh eumpung, tacok saboh leungo bandum
159. Boh minye tabloe ngon meuh, boh reunggeuh tabloe ngon pade, tajak beutroh takalon beudeeh, bek rugoe meuh saket ate
160. Boh seureuba salah. Tapajoh mate ma, han tapajoh mate yah
161. Boh ru pirak geusawak bak lungke leumo. Sinoe pi geujak sideh pi geujak. 'Oh meurumpak sabe pungo
162. Boh tuba rasa peunajoh ureueng duson. Yoh goh talakee rasam 'oh ka talakee ampon
163. Boh jakeuet diseuneulong
164. Breueh seuneuba pade seuneuroh, adak goh sirasa ka
165. Brok-brok meudang ara, sikrak lha jeuet keu ceudoh
166. Brok-brok kapai, nyang labang na cit tinggai
167. Bruek teugom han jeuet tabalek
168. Bu, bu but. Inong, inong Atjeh
169. Bu leukat han jeuet keu bu, ie bu han jeuet keu ie
170. Bu sikai, ie sikai. Ngob jantong gadoh akai
171. Bu sipeng eungkot sikrak, eh bak bajak limot ija krong
172. Bubee dua jab seureukab dua muka, keunoe pi toe keudeh pih rab, bandua pat meuteumee laba
173. Bubee lam ie, ie lam bubee. Hana tathee cuco ka na
174. Budi beuna bahsa, pangkat beuna kaya
175. Bue mubajee asee meusiluweue. Tapeuek jih ujuroe. Jitrom geutanyoe lam pageue
176. Buet geulico-geulince, awau buet dudoe pike
177. Buet gob bek tapeuduli, meuseuki ureueng teuka
178. Buet gob bek tarindu, meukeumat iku han ek tahila
179. Buet ka keumah, keureuja ka jadeh
180. Buet meu-awe sabong, ubit uram rayek ujong
181. Buet nyang geuyue narit nyang geulaku, sagai han mee mubantah haba
182. Buet ube buet, seumbahyang bek tinggai. Areuta go takuet
183. Buet walanca-walance, awai buet dudoe pike
184. Buya han glak keu ie
185. Buya krueng ka teudong-dong, buya tamong meuraseuki
186. Buya cabak, hana jikeumeukab
187. Bukon sayang cicempala, jikarom boh tilansahit. Bukon sayang ureueng pukaha, jiseumah po ka roh namiet
188. Beumeuri cak, beumeuri geunuku
189. Bungong rom bungong rihan, bungong peukan nyang mangat bee. Tameukawen nyang sipadan, tameurakan nyang tob meunalee
190. Buta lam teubleut, tuloe lam reuhung